م الآخر| خلصت أكلك؟

خلصت أكلك ومليت بقي بطنك ومبقاش فاضل غير رمي ورقتك استني بس.. هتعمل ايه؟ شباكك ده فتحته ليه؟ اوعاك تكون واحد منهم وبتفكر ترمي الكام ورقة اللي شايلهم من الشباك؟ ﻷ مش معقول علي اﻷرض يعني؟ اوعي تقول إزاي بس.. مش إنت ابن سعادة المسؤول؟ بس أنا بشبّه يا أخويا عليك مش إنت اللي مش عجبك أخلاق اللي حواليك! أمال إزاي ده يطلع منك؟ مش عيب يا بابا علي سنك ترمي في الشارع وإنت ولا همك ووراك يشيل الراجل الغلبان من كتر ما بيوطي خلاص اتهان والله حرام ياناس ياهوه ذنبه إيه الراجل تعذبوه أخلاقنا أصلها مباظتش من شوية بس قبل ما تعمل فيها ضحية خدلك ثانية.. و فكر شوية هو أنا إيه ممكن أغيره فيا؟ عشان أرجع حلاوة بلدنا ديا.. بص يا عم حلولك هي.. ضميرك ده يبقي مرايتك تملي معاك وحياة غلاوتك خليك أمين إنت وصافي النفس وبلدنا هتبقي مشرقة الشمس