م الآخر| ملعون أبوالفلوس
م الآخر| ملعون أبوالفلوس
لونك مخطوف كدة ليه ياعم؟
تكون تعبان ولا يكون ماليك الهم
قولي مالك.. قول ياعم
قالي أقولك إيه وأنا حالي يا ابني يغم
كانت فلوسي كتير ولا تتعد ولا تتلم
وعندي عيال كنت ليهم أب وأم
ربيت، تعبت، وشيلت عنهم ياما الهم
وبصراحة عملوا حساب لتعبي وعملوا أكتر حساب للدم
حجروا عليا وقسموا فلوسي عليهم
بس إيه بشرع الله ومن غير أي ظلم
وبعد ما كنت الأهم بقيت الآخر ومش مهم
وتقولي يجي منين الهم!
يا أخي ملعون أبو الفلوس اللي تخلي السم يجري في عروقهم بدال الدم.
