م الآخر| أخر وصيه للشهيد
م الآخر| أخر وصيه للشهيد
أخر وصيه للشهيد
أنا همشى ياما هروح بعيد
سيدنا النبى جبريل أتاه
وعرفه حقى الأكيد
نزل عليه قرآن تلاه
هديه م الله المجيد
قال يا محمد دى الحياة
عندى بتبدأ من جديد
متفكروش ربه ابتلاه
بنار جبان خسيس عنيد
دى رصاصته هتكون النجاه
حب وكرامه للشهيد
مع كل دم وكل آه
وصرخه من أم الوليد
مع كل دعوه فى الصلاه
مع كل فجر ويوم جديد
رحمه بتنزل م الاله
بركه ورزق وخير يزيد
فرحان بفضل الله التقاه
فى جنته عايش سعيد
وشفيع لـ70 واحد معاه
من أهله فى يوم الوعيد
