بريد الوطن.. بدَعْت الوِحدة
الدموع
من تانى
كأن الوحدة عاجبانى!
وباصرخ جوة نفسى كتير
مفيش ولا حاجة سامعانى
وإيه أرحم بِـ دا منك؟!
بقت دقاته.. دقانى
وروحى اللى انبرت ياما
تملّى يا روحى وجعانى
أنا اللى اتقال لى «آه..» ياما
ولا ما قُلت «آه يا آنى»
يا شوق ميّت بلاش تِحيا
يا حفنة من الدموع صاحية
وصحّت كل أشجانى
يا ليلى يا عين يا موالى
هاكلم ليلى من تانى!
وهاتمَسّى بوحدة نفس
وأعيش بحياتى وجعانى
انا اللى اديت كتير علشان...
ماحدش يدى علشانى؟!
محمد خميس الحاوى
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com