بريد الوطن.. بفرح
بريد الوطن.. بفرح
وبفرح لما نتخانق
ونرجع تانى نتناقش
واطلع عينها من جوه
تطلع عينى ع الآخر
نعيد القصة م الأول
بحب عنادها بالجامد
وأطول بالى وياها
وانكشها ف تتعفرت
وتنكشنى ف اضايق
وأشد أنفاسى بالقوة
وأعود من تانى للرايق
فأحضنها وتحضنى
ويرجع عقلنا الفايق
وأسألها ف تسألنى
وليه الصوت هنا عالى
وفاكرة ف إيه بنتخانق؟
يا عم انسى بقى واحضن
وضم الصدر مش فارق
سامح لطف الله
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com
