م الآخر| مالك يا بلد
م الآخر| مالك يا بلد
منشفاها علينا ليه
ده احنا اللى شايلينك
وبنشيلك لما الزمان بيهينك
ياما شوفنا منك قرف ولسة حاملينك
أيامك الحلوة ثوانى في سنينك
تنزف جراحنا دم
ينزل على جبينك
يفهموكي العدا
ده دم كارهينك
لا شوفنا فيكي فرح بس حابينك
حبينا لاجل النبي
ينصر كمان دينك
ده غيرنا لما تضيق
يسبلك دينك
يركب في أول رحلة
ومعاه ملايينك
يصرف فـ خيرك بره
ويعيش كما سيدك
حبينا لاجل النبي
ينصر كمان دينك
حبينا قبل ما نكره
ونسيب كما سيدك
