م الآخر| هذا المجتمع السيكوباتي

هذا المجتمع السيكوباتي أول ما بيفرح.. بيعيط وبيضحك دايمًا على خيبته وبيلبس علي طول ع الموضة علشان باللبس تبان قيمته ويحس بإعجاب الناس يدخل بالمجموع كلية علشان الشهادات وخلاص هذا المجتمع السيكوباتي اتستف ع الأخر خالص مبقاش فاضل فيه ولا ميجا يعشق زمن الفن الماضي وبيسمع أوكا وأورتيجا متدين خالص بالفطره عامل فـ الأخلاق إنجاز وصباحًا تلاقيه بيصلي ومساءًا قدام "صافيناز" هذا المجتمع السيكوباتي بيحدف فـ الناس بالطوب مع إنه بيسكن فـ إزاز بيبص على الشكل كويس ومتفرقش معاه الروح ويمد إيديه على 100 واحده ويقول: "ما هو لبسها مفتوح" وأما يسب.. يسب الدين وشتايمه بيختمها بـ " أم " ويحرم ع الناس الحب ويحلل ببساطة الدم يقتل علشان يرضي الله ويخاف مـ اللي إختلفوا معاه ويعيش بس عشان هيموت هل بالذمه دي تبقي حياه؟!