م الآخر| مش فاهمني
م الآخر| مش فاهمني
أنا نَفسي مابقتش فاهمني
حاببني يعني ولا كارهني
ناسيني يعني ولا فاكرني
وليه فرحان ولّا حزين معادش هاممني
وليه سكوتي زي كلامي .. ولا بسمعني
وليه مهما بحاول أطمن مفيش ولا حاجة بتطمني
رُحت لدكتور قلّي اكتئاب... قلت حتى انت كمان زيهم مش فاهمني؟
محتاج أحب آه واتحب وألقى حبيب قريب مني
محتاج أرجع لضحكتي اللي طالعة بجد مني
محتاج أشوف الناس بطيبة زمان اللي بتعلمني
محتاج لصدق في العيون ...مش لعيون بغدرها بتقتلني
محتاج لصبر فوق الصبر... عشان أملي مايروحش مني
محتاج أحس اني أنا... مافارقتنيش أو غبت عني.
