م الآخر| أوعوا تحسدوني
م الآخر| أوعوا تحسدوني
أنا كل يوم بقوم من نومي
وعادي جدًا بيكون يومي
بقوم بس غيركم ..لابس كل هدومي
أصلهم معايا من زمان ومش بيفارقوني
قميص بزرار واحد لونه زتوني
وبنطلون بني فيه رقعة كموني
على الرصيف كل يوم بنام واغمض عيوني
رحال..بغيير جو..وكل الرصفان شالوني
فطاري وعشايا على ولاد الحلال اللي مش بينسوني
وكتير منهم اللي فيه النصيب بيدوني
وناس بطيبة قلبهم بيوعدوني
بعد ربنا مش هيسيبوني
صحيح أنا فقير لكني عايش وراضي
من فضلكم أوعوا تحسدوني .
