م الآخر| أنا زعلان جدًا م الفيس..

أنا زعلان جدًا م الفيس .. علشان خلا مشاعري مجرد دلوقتي "إيموشن" في الشات حتى كلامنا خلاص بقى ساكت وبنتكلم كومنتات ولا نملك غير بس "كيبورد" وأخرنا بنعمل لايكات أنا زعلان جدًا م الفيس .. علشان خلا كلامنا مجرد كوبي بيست ومفيهوش إحساس علشان خلا الدنيا في شاشة ده انا شكلي نسيت شكل الناس ده انا حتى في ساعة ما بدمع بعمل وش أصفر وخلاص أنا زعلان جدًا م الفيس .. علشان خلا اللي يكلمني بقى في حاجز بيني وبينه وإزاي هحضن حد واحشني وإزاي عيني هتيجي في عينه وإزاي نعرف بعض بجد وإحنا فريند على الفيس بوك حتى دموعنا في وقت فراقنا ، مبقتش بتنزل دلوقتي ما احنا بنتفارق بـ "بلوك" !