هليوبليس
كان سطوع الشمس ع الخلق انتفاضة للفلاح
اسعى ودوق م السعي طعم الملح
هتلاقي ان الغنا محتاج لطلق سراح
وان كان غناك يا طير عاشق للون الجرح
آمون بطل قريته
علمنا وئد الايدين علشان تنبت قمح
خان القضية بغبائه
علشان يكون كاهن
مع إنه كان الشمس
إسكندر الأكبر أصبح بطل قومي
كسّر سجون آمون وسرّح المساجين
دخّل عساكره البلد
وسكروا ويا العبيد
أصبح وطن محتل
أنهار آمون وانتفض
قالوا عليه مختل
إسكندر استنكر
استنكر العرابيد
أمر الجنود يخدوه
يبنوا له زنزانة
آمون وحراسه
كالغيم ف عز الشمس
آمون فضل يهتف
ويخونوه أهله
آمون هتف يسقط
واتهز بيه العرش
إسكندر الأكبر
والناس سلت عنه
استسهلوا السكته
و اتجوزوا العسكر
***
رسمة آمون ع الحيط
بتنور العتمه
تسقيه إذا يعطش
وتنوله الكلمه
ندمان ببيع أهله
جاهل ولا يعرف
آمون مخانش الوطن
بس الوطن خانه