م الآخر| نظرية المؤامرة عمرها 3000 سنة

3 سنين والواحد بيسمع الكلمات دي "نظرية المؤامرة" أو "مخطط في الإعلام" يعني أساسًا مؤامرة، فتحت ويكيبيديا وشفت تعريف كلمة مؤامرة لقيته "محاولة لشرح السبب النهائي لحدث أو سلسلة من الأحداث (السياسية والاجتماعية أو أحداث تاريخية)على أنها أسرار"، يعني دي حدث مفهمنهوش فقلنا ده مؤامرة، ولكن في مصر استخدمت الكلمة لتخويف الناس من نظام أو من أشخاص فاسدين، وفيه كتير من الأشخاص الفاسدين أغبياء، يعني لو فيه نظرية مؤامرة كانت حتتنفذ على مصر بحالتها السيئة من زمان من أيام الملك، أصل مصر عمرها ما كانت مزدهرة إلا قبل 3000 سنة، يعني أيام الفراعنة، تاني حاجة دول العالم لوعايزة تدمر مصر مش كانت حدفت قنابل نووية على مصر ودمرتها، ده مش تقليل من الجيش المصري بس الكثرة تغلب الشجاعة دول أوروبا وأمريكا مش بالفراغ إنهم يعملوا مؤامرات ومخططات على مصر بالعكس هما بيهتموا ببلدهم، ياريت احنا كمان ننفض دمغنا من الكلام الفاضي ده ونهتم ببلدنا.. شكرًا.