وزير النقل عن عدم توقيع غرامة على منقذ ابنته: المرة الجاية حاندفعه
كامل الوزير .. وزير النقل والمواصلات
وجه كامل الوزير، وزير النقل والمواصلات، حديثة للأب الذي ارتمى على ابنته بمحطة الإسماعيلية قبل مرور القطار عليها، حيث قال "إنت راجل بطل وكل حاجة وربنا قواك وعملت موقف بطولي، بس إنت في البداية مخطئ".
وأضاف "الوزير"، خلال مداخلة هاتفية في برنامج "على مسئوليتي"، مع الإعلامي أحمد موسى، على شاشة "صدى البلد"، أن الأب هبط من قطار بورسعيد على رصيف رقم واحد وخرج من القطار من باب غير مخصص له، ولم يلتزم المرور من النفق أو كوبري المشاة المتواجد داخل محطة القطار، "لقى قطار البضاعة واقف بدل ما يمشي 10 متر زيادة عدى من رصيف لرصيف، ومشي على الصدادات بتاعه قطار البضائع، هو عرف بس بنته ما عرفتش".
وأوضح أن الأب تفاجئ بأن ابنته سقطت من بين الصددات على قضبان السكة الحديد، وفي نفس الوقت بدأ القطار في التحرك، فقام على الفور بإلقاء نفسه على ابنته واحتضنها، ولحسن الحظ هناك مسافة بين القضيب والرصيف كافية أن ينام شخص واحد فيها، "لا قدر الله لو كان حصلة حاجة كانوا هيقولوا السكة الحديد غلطانة".
وعن حقيقة توقيع غرامه عليه، قال ضاحكًا: "إحنا إزاي هندفعه غرامة، كفاية الموقف اللي عمله ده وعدت معاه والحمد لله، بس المرة الجاية هندفعه غرامة لو كررها، يارب ما يحصل حاجة زي كده".