بابا قالي متخفيش ربنا معانا.. فتاة قطار الإسماعيلية تتحدث عن الواقعة

07:45 م | الجمعة 31 يناير 2020

قالت خديجة محمد، الطفلة بطلة واقعة قطار الإسماعيلية إنها كانت خائفة على والدها من الموت، عندما كان يحميها.

وأضافت، خلال حواره مع الإعلامية ياسمين سعيد مقدمة برنامج "الجمعة في مصر"، الذي يعرض عبر شاشة "mbc مصر": "كنت خايفة على بابا أكتر من أي حاجة، وكنت سمعاه وهو بيقولي متحركش، ولو كنت اتحركت القطر كان كلني، كان بيقولي متخفيش متخفيش ربنا معانا".

وحول تغريمه 50 جنيهًا، قال محمد محمود فرغلي، والد الفتاة المعروف إعلامية وعلى منصات التواصل الاجتماعي بلقب "سوبر بابا"، إن الشعب المصري يجيد صنع تصورات خيالية، نافيًا أن يكون مر مع ابنته أسفل القطار: "أي واحد فينا لو معاه طفل مش هيمشي قدامه، وازاي هعدي تحت القطر؟ كان زمانه كلنا".

وحول الواقعة، قال "سوبر بابا": "الوضع مكنش فيه تفكير، ولو أي أب مكاني هيعمل كده، وعشان أسيبها وإخواتها يشوفوها ويتفرجوا على المنظر ده، يبقى أنا لازمتي إيه؟! لو الأب مش هيكون الحصن الحصين لأولاده وزوجته يبقوا أيتام".