أمنيات عاجلة: «يارب احفظ مصر».. «يارب النور ما يقطع»

لوحة بيضاء فارغة، إلا من عبارة وحيدة مكتوبة بخط اليد «أمنية مصرية عاجلة»، تلفت أنظار المارة، وتداعب فضولهم وتستوقفهم للحظات، بعضهم يتحمس للفكرة ويبدأ فى كتابة أمنيته، وبعضهم يستخدمها كوسيلة للتنفيس عن غضبه من خلال الكتابة. هكذا قرر فريق «شايفنها أحلى» النزول إلى الشارع والاستماع لهموم المواطنين وأمنياتهم بطريقة غير تقليدية، وهى الكتابة على ورقة بيضاء كوسيلة لتحويل الطاقة السلبية إلى إيجابية، حسب إسلام صبرى، مؤسس الفريق: «20 طالب فى كلية الإعلام هم أعضاء فريقنا، استشرنا أطباء نفسيين عن حلول للاكتئاب فوجدنا أن الكتابة على ورق، بتخلينا نفكر أحسن وبتخلصنا من الكبت، ففكرنا ننزل الشارع فى مناطق أحمد عرابى والحسين والسيدة زينب وبولاق وشبرا والمعادى، معانا لوحات كبيرة فاضية وأقلام، وكل حد فى الشارع يكتب عليها الحاجة اللى مضايقاه أو أمنياته للبلد». «يارب النور ما يقطع تانى»، «يارب اهدينا»، «استقرار وأمان».. كانت أمنيات أهالى منطقة السيدة زينب، التى لم تختلف كثيراً عن طلبات منطقة شبرا وهى: «يارب اكفينا شر الفتن»، «عايز أعيش مستور»، وكانت أبرز العبارات المكتوبة حسب «صبرى»: «يارب احفظ مصر». استقبال المارة لفريق «شايفنها أحلى» كان متفاوتاً بين الإيمان بفكرتهم والنظر إليهم على أنهم «شوية عيال» يقضون أوقات فراغهم، حسب «صبرى»: «مش كل الناس شايفة إن طريقة تدوين الهموم دى حاجة كويسة، فيه ناس شتمتنا واعتبرتنا فاضيين ونازلين الشارع نهزر، بس أغلب الناس شافت الطريقة جديدة، وفعلاً بتخرج الشحنات السلبية وبتخليهم يفكروا فى حل لمشكلتهم».