الحاجة فادية تبكي وتوجه رسالة للسيسي: أتمنى أشوفك تاني
الحاجة فادية
كشفت الحاجة فادية، سيدة عزبة الهجانة والتي قابلت الرئيس السيسي في عزبة الهجانة، أثناء تفقده أعمال التطوير هناك، تفاصيل ما دار بينهما.
وقالت الحاجة فادية خلال حوارها مع الإعلامية آية عبدالرحمن، مقدمة برنامج "الحقيقة"، عبر شاشة "إكسترا نيوز": "كنت قاعدة ولما قالوا الريس هيقابلِك، كنت رايحة عليه، قالي خليكي يا حبيبتي أنا جاي عليكي، قالي مالك، قلتله أخدوا حاجتي".
وأضافت: "قالي هعوضك، قلتله ربنا يخليك ويطرح البركة فيك ويصلح حالك ويهاديك، قالي اؤمري عاوزة إيه، قلتله عاوزة ربنا يسعدك ويخليك لينا، قالي هعوضك واللي عاوزاه أعملهولك، وهديكي دكانة".
وأشارت إلى أنها أخبرت الرئيس السيسي بتفاصيل مرضها، ما جعله يوجه بنقلها إلى مجمع الجلاء الطبي للقوات المسلحة، على أن يكون العلاج بالمجان: "الناس هنا حلوة ومش مخليني عاوزة حاجة".
وواصلت: "بتمنى أشوف الريس كل دقيقة، لكن مكنتش متوقعة أبص ألاقيه قدامي، ربنا يخليه لنا وينصره وكلمته تبقى ماشية على كل الدول، ربنا يخليه لنا".
في نهاية اللقاء بكت الحاجة فادية، ووجهت رسالة للرئيس السيسي، قالت له فيها: "أتمنى أشوفك تاني، ولو مشفتنيش أنا هجيلك، ربنا يخليك ليا، يا حبيبي، انت نور عيني".