بعد تأخر الإنجاب 25 عاما.. إبراهيم يستقبل مولودته ماريا: "عشت كسرة النفس"
"مصر تستطيع" يعرض تقريرا عن والد الطفلة.. والأب: الدنيا مكانتش سيعاني
والد الطفلة ماريا وطبيب والدتها
عرض برنامج "مصر تستطيع" الذي يقدمه الإعلامي أحمد فايق، على شاشة "dmc"، تقريرا عن استقبال زوج لمولودته "ماريا" بعد تأخر الإنجاب 25 عاما من الزواج.
وقال إبراهيم لويس، والد الطفلة ماريا: "أنا بقالي 25 سنة عايش في حرمان، عايش في كسرة نفس، وكل اللي قادر أعمله إني بصلي وواثق إن ربنا بيعمل معجزات كتير".
وأضاف: "جريت كتير، ورابع مرة أعمل العملية، والحمد لله ربنا كرمنا، وأما كانت العمليات بتفشل كنا بنام ودمعتنا على خدنا".
وتابع: "أول ما شوفت الدكتور طالع وهي على إيده الدنيا مكنتش سيعاني، واستقبلت بنتي بدموع نزلت لوحدها ومقدرتش أسيطر على نفسي، والمستشفى كلها اتقلبت".
وقال الدكتور شريف باشا سيف، استشاري النساء والتوليد وأطفال الأنابيب والمشرف على الحالة، إن حالة الأم مستقرة، و"كويسة والعائلة سعيدة، والكل متعاطف معاهم، وقصتهم مؤثرة لمست قلوبنا".
وأضاف: "سمعت الزغاريد كتير، ومعرفش ليه المرادي لمست قلوبنا وأثرت فينا بطريقة مختلفة، وأثرت في كل اللي موجودين".
وقالت دميناة يوسف، خالة الطفلة ماريا: "ربنا يخليها لوالدها، وأشكره إنه صبر كل ده، الشعور اللي إحنا فيه ميتقدرش بملايين، وكل منشوف ماريا نفرح زيادة".