محمد رمضان عن التصوير مع سياراته: اللي مش عاجبه حقود وغلاوي
رمضان: بدأت من الصفر وعملت جناح في مستشفى 57 باسم والدتي
محمد رمضان وإحدى سياراته
قال الفنان محمد رمضان، إن علاقته مع جمهوره هي التي تدفعه إلى التعامل معه كأنه من أسرته بإظهار سياراته وممتلكاته له.
وأضاف "رمضان"، خلال حواره في برنامج "التاسعة مساء"، مع الإعلامي وائل الإبراشي، على شاشة "التلفزيون المصري": "أنا بعمل دا عشان شايل الجدار اللي بيني وبين جمهوري، وصريح وبمشي بعربيتي في الشارع والناس بتدعيلي، واللي بيستفز دا بيستفز من جاره أو قريبه، ودا شخص حقود وغلاوي ومش عايزه من جمهوري".
رمضان: هدفي من شراء السيارات إن الجمهور يعرف إنه صاحب فضل عليا
وأضاف: "أنا اللي بشتري العربيات دي مش حد تاني، وهدفي من ده إن الجمهور يعرف إنه صاحب فضل في اللي وصلتله، ومش هضحك على حد وأظهر العكس".
وتابع: "أنا كسبت الفلوس دي من جمهوري ومش هخبي حاجة لأني بدفع ضرايبي وقايم بواجباتي تجاه بلدي وعملت جناح باسم والدتي في مستشفى 57357 ومستشفى طنطا".
وأكد على أنه بدأ مشواره الفني من الصفر، "أنا بدأت من الصفر كفنان وأسرتي أسرة متوسطة لكنها مش فقيرة، وأبويا مكنش عنده جنيه في البنك ولا قيراط أرض وإخوتي جامعيين وأختي سيدة أعمال وعلموني القناعة، وبمشي بعربيتي في إمبابة محدش معترض".