أرملة الشهيد الشبراوي: ذكرياتنا القديمة مش بتروح عن بالنا
ندى حسن: بنصحى كل صبح نقراله الفاتحة.. وبندعيله قبل ما ننام
الشهيد أحمد الشبراوي
قالت المهندسة ندى حسن، أرملة الشهيد أحمد الشبراوي، إنه من الجيد تخصيص يوم للتذكير بفضل الشهداء وتضحياتهم، متابعة: "مبتكلمش عن شهداء الحرب ضد الإرهاب بس ولكن بتكلم عن كل شهيد سقط على أرض مصر في كل الحروب اللي جميله هيفضل في رقبتنا طول حياتنا".
وأضافت خلال اتصال هاتفي ببرنامج "اليوم"، المذاع على شاشة قناة "dmc"، الذي تقدمه الإعلامية سارة حازم، "ذكرياتنا القديمة مش بتروح عن بالنا، أحمد معانا على طول ومع الأولاد، لازم بنصحى الصبح دايما نقرا له الفاتحة وقبل ما ننام بندعي له وبنتكلم عن الحاجات الحلوة اللي كان بيعملها معانا، هو طول الوقت معانا سواء يوم الشهيد أو أي يوم تاني".
وكشفت آخر ما قاله لها قبل استشهاده، قائلة: "قالي توصيات، كان آخر إجازة له هنا في رمضان وفطر معانا العيد وسافر، وكنت في الفترة دي لسة حامل في بنتي، وآخر مكالمة قالي متقلقوش من أي حاجة أنا كويس".
وتحتفل مصر يوم 9 مارس، بيوم الشهيد، وهو يوم استشهاد الفريق أول عبدالمنعم رياض، في إحدى معارك حرب الاستنزاف.