وزير التعليم العالي يوجه رسالة للطلاب بشأن امتحانات الـ "ميد تيرم"
الدكتور خالد عبد الغفار.. وزير التعليم العالي والبحث العلمي
قال الدكتور خالد عبد الغفار، وزير التعليم العالي، إن هناك أمر يشغل بال الكثير من الطلاب في الوقت الحالي ويبحثون عن إجابات له وهو مصير امتحانات الـ "ميد ترم" والتي تزامنت مع قرار الرئيس عبد الفتاح السيسي بتعليق الدراسة في الجامعات وكافة المدارس على مستوى الجمهورية لمدة أسبوعين.
وأضاف "عبد الغفار"، خلال مقطع فيديو على صفحة وزارة التعليم العالي والبحث العلمي، على موقع التواصل الاجتماعي "فيس بوك": "عاوز أقول للطلاب، يا جماعة مش ممكن نكون بنفكر في حاجة إلا لما تكون مصلحة للطالب، اطمئنوا تماما، ميبقاش فيكم حد عنده هاجس، أنا وزملائي في المجلس الأعلى للجامعات بنعمل لكل ما هو صالح لكل طالب إحنا بنراعيه وإحنا بناخد القرار".
وتابع: "لو خلصنا فترة تعليق الدراسة والجامعات بقى عندها مساحة من الوقت تعمل الامتحان الـ ميد ترم، وتعتبر إن فترة التعليق مجرد فترة صغيرة وكأن الامتحانات ترحلت أسبوعين وشافت إن ده مصلحة للطلاب هنعمله، ولو الموضوع ظهر إن مفيش مساحة من الفراغ والوقت كبير بين امتحانات ميد ترم و نهاية الفصل الدراسي، هنعمل الامتحانات في آخر السنة ونضم درجات الـ ميد ترم عليهم".
وتابع: "سواء الحل ده أو الحل ده تأكدوا إننا بندرس كل الحلول، وبنراعي الطلبة".