متعافية من السرطان للمصريين: خليكم في البيت عشان تحافظوا علينا
متعافية من السرطان للمصريين: خليكم في البيت عشان تحافظوا علينا
طالبت ميرنا فتحي، متعافية من مرض السرطان، المصريين بعدم الخروج من المنزل لعدم انتشار فيروس كورونا المستجد بين المصريين خوفا على مرضى السرطان.
وقالت خلال فيديو بثه برنامج "مصر تستطيع" الذي يقدمه الإعلامي أحمد فايق على شاشة "dmc": "أنا يوم 2 فبراير 2020 ربنا أتم شفايا على خير، بقول دا لإننا بنواجه في حياتنا أزمات كتير وصعوبات وتحديات، ولازم نواجهها بالأمل والقوة والصبر والدعاء".
وأضافت: "زي أزمة فيروس كورونا اللي إحنا فيها الفترة دي، وهنعديها، وبقولكم إنكم يا ريت تقعدوا في البيت لأننا أول ناس هنتأذي، إحنا مرضى السرطان معندناش مناعة، نقدر من خلالها نواجه المرض، ولو أنت اتأذيت مش هتتأذي لوحدك أنت هتؤذي اللي بتحبهم".
واستطردت: "تقدروا تستخدموا حاجات كتير وانتوا في البيت، ممكن تزودوا استخدام السوشيال ميديا أو لو عندكم مذاكرة فهي بقت أون لاين، واللي عنده موهبة يقدر ينميها".
وتابعت: "خليكم في البيت عشان نواجه المحنة دي على خير، ونقدر إننا نعديها، ونخلي إيدينا في إيد بعض عشان نقدر نعدي الأزمة دي على خير".
