أحمد ماهر: والدي رفض عملي بالفن عشان احنا "عيلة بشوات"
الفنان: كان عايزني أطلع مهندس أو قاضي.. و"وصلة مية" سر اعترافه بي
آحمد ماهر
قال الفنان أحمد ماهر، إن والده كان يرفض عمله بالفن، "أبويا كان ممكن يطلق أمي بسبب الفن".
وأضاف "ماهر"، لـ"الوطن": "والدي كان شايف إني هبقى فرع عِوج، لأن العيلة بشوات، عايزني أطلع مهندس أو دكتور أو قاضي، لكن ايه التمثيل ده، هكون مشخصاتي، ولا أراجوز، لا يعترف بشهادته في المحكمة".
وتابع: "لم أضطر إلى إقناع أبي، ولكن بعد الثانوية، التي حصلت عليها بعد 4 سنوات لعشق الفن، ولكن أخبرته بالتحاقي بمعهد عادي، حتى تخرجي وبدأت العمل بالتليفزيون، وعند ظهور صورتي بالجورنال، أخبره أصدقاءه، والدي ملاحظ بالسكة الحديد، قالي إيه يا واد، إنت بتمثل، قولت له صلي على النبي بقى، احنا تعبنا ومش عايز منك ولا مليم، ووافق بعدها".
واستطرد "ماهر": "في يوم قالي مش إنت مشهور، وريني، 3 شهور أنا رايح جاي على (كوبانية المية) عشان يكبروا الوصلة اللي من أيام الإنجليز، ذهبنا إلى شركة المياه، واستقبلوني بترحاب، وبلقب (أحمد باشا)، وتم إنهاء الموضوع ونحن مازالنا في المكتب، نظرت له وقولتله (يلا ياحاج)، رد عليّ (أنا دايخ من 3 شهور، وإنت تخلص في كلمة وحدوتة)، فأخبرته ضاحكا "إنت كنت فاكر ايه؟".