البابا تواضروس: الظروف الحالية فرصة للتفكير وتغيير حياتنا
البابا تواضروس
قال البابا تواضروس بابا الإسكندرية وبطريرك الكرازة المرقسية، إنّ جلوس البعض في المنزل بسبب فيروس كورونا فرصة للتقرب لله، وفرصة للتفكير من جديد وتغيير الحياة، كما يجب مراعاة هذه الإجراءات للحفاظ على الصحة وأمور الوقاية لنستعيد حياتنا من جديد ويختفي الوباء.
وأضاف البابا تواضروس خلال عظته، التي عرضتها فضائية CTV: "هل استعديتم لاستقبال المسيح؟، البعض بيقول هنستقبله ازاي والكنائس مقفولة عشان ظروف الوباء، خلاص استقبله في بيتك، ولكن قبل أن يأتي إلى بيتك يأتي إلى قلبك".
وواصل: "يا ترى قلبك جاهز لاستقبال المسيح؟، الحكاية دي مش عشان مناسبة أو احتفال ولكن حكاية العمر كله، اوعى تجاوب عليّا بشفتيك، لكن جاوب على الله بقلبك، وهناك نوعيات من القلوب بعيدة شوية عن استقبال المسيح".
وتابع: "أول نوع هو جمود القلب، القلب الذي يرفض دائما ولا يتغير، النوع التاني اللي بنسميه إنشغال القلب اللي دايما على لسانه مفيش وقت، وأحد فوائد أو محاسن أو عطايا وجود الوباء أنه وفر لينا وقت بقى فيه وقت يصلح قلبه، النوع الثالث هو القلب الذي لا يستطيع استقبال المسيح ويكون قلبه فاتر أو بلا إحساس".