هاني رمزي عن بقائه في المنزل: اكتشفت أني ممكن أبقى كهربائي وسباك ونجار
الفنان هاني رمزي
هنأ الفنان هاني رمزي، الشعب المصري باحتفالات عيد القيامة، مشيرا إلى أنه أكل "كحك"، احتفالا بالعيد، كما أنه أصبح يمارس ببعض الأعمال المنزلية، بسبب الحظر أزمة انتشار فيروس كورونا.
وقال رمزي، خلال مداخلة هاتفية ببرنامج "الستات مايعرفوش يكدبوا"، عبر شاشة "CBC"، من تقديم الإعلاميتين منى عبدالغني وسهير جودة، إنه ملتزم بالبقاء في المنزل: "محبوس في البيت وبدأت اتأقلم على الحياة، وفي البيت عندي مبسوطين أني معاهم".
وأضاف: "فرحان بيهم ويمكن كورونا جات بالبخير، لأن في تجمع أسري، وهو مهم جدا، وحياتي قبل كده كانت فوضوية، كنا عايشين بالطول والعرض وكنا مقضينها بوس وأحضان وسلامات، ولكن أعتقد إن بعد كده إن كل اللي حصل بسبب كورونا هيغير سلوكنا".
وتابع: "مش هعمل حاجة السنة دي في رمضان بسبب كورونا، وده خلاني أشتغل بإيدي في البيت وأرتب حاجتي، وبتابع التلفزيون بشكل جامد جدا".
وأردف: "بصلح الحاجات اللي محتاجة تتصلح في البيت، واكتشفت إني ممكن أبقى كهربائي وسباك ونجار، أنا بتعلم، والحاجة اللي بعملها بتبوظ وبرجع أصلحها تاني وتالت".