السيسي عن تنمية سيناء: اللي عملناه خطوة من 1000 خطوة
الرئيس السيسي
تحدّث الرئيس عبدالفتاح السيسي، عن محطات التحلية الجاري إنشاؤها في سيناء، قائلا: "الـ300 مليار جنيه لو اتحطوا في البنك يجيبوا 30 مليار في السنة، لو وزعت الفلوس دي على المواطنين في سيناء الـ600 ألف، كل واحد هياخد رقم كبير أوي، لكن اخترنا نحوّل مساحة غير مأهولة لمكان صالح للسكن".
وأضاف الرئيس خلال كلمته في افتتاح محطة معالجة مياه الصرف في المحسمة بالإسماعيلية: "حجم المناطق المأهولة بالسكان من 5 لـ6%، ولو عاوزين نحول سيناء وتبقى مأهولة لازم نتكلم بموضوعية وعلم، واللي بنعمله مكانش ممكن يتعمل أبدا في المدة الصغيرة اللي اتعمل فيها، دي خطوة من 1000 خطوة".