«حظر 6 أبريل» و«إعدام الإخوان» على مواقع التواصل: الشماتة سيدة الموقف

شماتة لا تخطئها عين، بدت فى تعليقات نشطاء مواقع التواصل الاجتماعى، على حكم حظر أنشطة حركة 6 أبريل ومصادرة مقارها، أغلبها دارت فى إطار «اللى ييجى على مصر والمصريين ما بيكسبش»، فى ربط واضح بين حكم حظر الحركة الشبابية، وأحكام الإعدام والإحالة للمفتى الصادرة ضد إخوان المنيا ومرشد الجماعة. إبراهيم عبدالحميد، قال: «أبريل اتحظرت فى شهر أبريل بصوت حمادة هلال»، وتكرر تعليق: «أكلتم يوم أكل الثور الأبيض»، كررها العديد من أعضاء الإخوان ليبدأ تلاسن، اشتركت فيه فادية، فكتبت: «على أساس إن الإخوان هم الثور الأبيض، لو كنت ناسى أفكرك وجلساتكم مع عمر سليمان فى السر تشهد»، أما بدر نبيل، فعلق على قرار إعدام بديع: «طيب الإعدام يبقى بالنقاب عشان ماينفعش يتكشف على رجالة». ورغم تخبط القرارات داخل الهيكل الإدارى لحركة 6 أبريل، وهو ما دفعه ومن معه من شباب الحركة لتركها، يظل «محمد عبده»، أحد مؤسسى حركة الشهيد جابر صلاح المعروف بـ«جيكا»، متعاطفاً مع أصدقائه ضد قرار حظر الحركة التى انشق عنها، ويقول: «الحظر قمع للحريات، ومش معنى إن فيها تيارات مختلفة تبقى ممولة وعميلة»، ويرى أن قرار الحظر من وجهة نظره «فترة نقاهة للحركة تسمح لأعضائها بتصحيح مسار بعض القرارات المتضاربة»، مضيفاً: «6 أبريل دايماً كان عندها مشكلة فى التوجيهات، اللى بتقدمها للشباب اللى مش بيحب ينتظر الأوامر، وبيتصرف من غير إذن، بس الأفضل فى الوقت ده إنهم يعتبروا نفسهم فى إجازة ويصلحوا بعض أخطائهم، لأن الكيان مش هيتهد، ولكن نجمه هيقل، وهيبعد عن الأنظار لحد ما الشارع يقرر، هيكملوا معاهم ولا لأ».