أحمد فلوكس عن عدم عمله مع محمد رمضان: "مش بشتغل مع أي حد"
أحمد فلوكس
كشف الفنان أحمد فلوكس، حقيقة الخلافات بينه وبين الفنان محمد رمضان، خلال حواره مع المخرجة إيناس الدغيدي، مقدمة برنامج "شيخ الحارة والجريئة"، الذي يعرض على قناة "القاهرة والناس".
وسألته المخرجة إيناس الدغيدي: "غرورك على محمد رمضان في مسسلسل إحنا الطلبة، سبب في كرهه لك، وإنه مش بيشغلك معاه".
ورد فلوكس قائلًا: "مش بيشغلني معاه إزاي؟ أنا مش بشتغل مع أي حد، لو على فيلم الممر، فأنا نقيت اللي اشتغلت معاهم، ولو مكنتش عاوز أشتغل مكنتش هشتغل، أنا محدش هيشغلني".
وأضاف: "بعد عادل إمام ومحمود عبدالعزيز، مبتكلمش على نجوم، النجوم دول بياخدوا سنين، واشتغلنا أنا وحنان ترك محمد صبحي في أولاد الشوارع".
وأردف: "عمري ما اتنططت عليه ولا على أي حد، انا في الفترة دي مكنتش فاضي، لأني كنت بصور مسلسل إحنا الطلبة، وكنت بصور فيلم ومكنتش بنام، والمسلسل كان له ظروف معينة".
وواصل: "الفن شغلانة الأنا، وكله بيشيل، لكن أنا بالنسبة لي محدش بيشغلني، ولو مش بحب وبحترم أحمد عز وهشام عبدالخالق مكنتش أشتغل، أنا بحب أحترم نفسي، واللي ببنيه محبش أهده".