فيديو.. حمو بيكا عن حسن شاكوش: الغرور قاتله وبداية نجاحه من عندي
الفنان حمو بيكا
قال الفنان الشعبي حمو بيكا إن الفنان الشعبي حسن شاكوش مغرور "الغرور قاتله وخلاه مش شايف حد وخلاه شايف نفسه رقم واحد".
وأضاف بيكا خلال حديثه مع الإعلامية إيناس الدغيدي ببرنامج "شيخ الحارة"، المذاع على شاشة "القاهرة والناس"، "اللي بيعمله ده غلط وفي مجالنا ده مفيش حد رقم 1، والنجاح اللي وصله أنا وصلتله قبله".
وتابع بيكا أنه لم يعتذر للفنان حسن شاكوش، وكل ما فعله هو فيديو لايف مع حسن شاكوش لإيضاح الصورة للجماهير، مشددا: "عمري ما أنفسن منه ولو نجح 100 سنة قدام.. أنا فرحان إنه ناجح علشان حسيت إني عملت حاجة لأنه بداية نجاحه من عندي وأنتجتله أغاني كتير ييجي 15 أغنية".
وكشف بيكا أن جمهور حسن شاكوش قبل أغنية بنت الجيران 5% من جمهوره الحالي، مشيرا إلى أن حسن شاكوش متكبر على كل الناس إلا حمو بيكا "مفيش عسكري يضرب في قائد، ونجاح حسن شاكوش من عندي ودلوقتي نجح وبقى زيي زيه".