يا أم العيون السمر

يا أم العيون السمر يا أم الشعور الصُفر و الوش لون قمحي حلوين عنيكي السمر نورهم جمال صبحي عاشق وبرمي الشَبَك مستني أشوف طرحي أشكاله إيه السَمَك وامتى يكون فرحي *********** فيكي من الأوصاف اللي محيرني و اللي يسر العين و اللي بيرعبني خايف لـ ييجي ف يوم يخدك حداً مني وأعيش بعيد إزاي والعشق جاذبني *********** يا اللي الرضا سكتك والطبع مش خدَّاع والجنة نور ضحتك والعشق ليكي أنواع ساكن رحاب حضرتك درويش من الأتباع يا للي جمال خطوتك ترياق من الأوجاع *********** واقف على القضبان ماسك بإيدي الجمر فايق ومش سرحان شايف عيونه الحمر الموت ضعيف وجبان جنب اللي باع العمر وأنا عمري بعته زمان عشان عنيكي السمر *********** اسمك ف سِفر الأمل إنجيل بيترنم ذكرك عباده وعمل قرءان بيتكلم أوحى الإله للرسل دايماً باسمك ليه إلا عشان كرمك لما اصطفاك لديه *********** يا صافيه زي النور يا بدر وسط الليل يا حلوة زي الحور يا أم التاريخ مواويل يا مصر يا أم الخير يا عايشه قبل النيل دا كفايه إن الله حافظك مع الترتيل