"خالد" إلى شباب الإخوان: هانعمل صورة تانية للسيسي بالعند فيكوا

أصوات عالية، مشاجرات وسط الأهالي بمحيط القضاء العالي بوسط البلد، هتافات ضد القوات المسلحة يسمعها على بعد أمتار من منزله، يخرج خالد جمال من شرفته مسرعًا حتى يتفاجأ بمشهد تمزيق بانر ضخم للمشير السيسي، "نزلت جري على صوت الجيران وهما بيتخانقوا مع اللي بيقطعها، ولقيتهم عيال بدقون عمالين يهددوا أي حد عايز يقرب منهم بالسكاكين اللي في إيديهم، وعمالين يشتموا في الجيش ويرددوا هتاف مصر إسلامية". الغضب الذي انتاب الشاب الثلاثيني وغيره من أهالي المنطقة، جعلهم يتكاتفون للتسلق إليهم حتى يوقفوا شباب الإخوان عن تمزيق صورة المشير، "طلعت أنا وتلاتة من شباب الحتة بس بقوا يهوشونا بالسكينة اللي في إيديهم، فضلوا يشتمونا بأفظع الشتايم لحد ما قدروا يقطعوا جزء من الصورة كبير"، مضيفًا "حبي للسيسي خلاني مخفش زي الباقي، وفضلت وراهم لحد ما طلعت وأنا عارف إنهم مش هيقدروا يعملوا حاجة عشان هما أجبن من الجبن، والدليل إنهم لما فكروا يقطعوا صورة السيسي اختاروا باليل عشان محدش يشوفهم". محاولات "خالد" وإصراره للصعود إلى شباب الإخوان، والتصدي لمشهد تمزيقهم لصورة المشير والرعب الذي انتاب الأهالي بأسلوبهم الذي لا يخلو من الإرهاب، دفعهم إلى النزول "سابوا جزء من الصورة مقطعوهاش عشان ينزلوا يكملوا عليا، اتلموا حولية وضربوني لحد ما جيراني وقفلهم وحاولنا نمسك أي حد منهم بس جريوا"، موضحًا "قررت الانتقام منهم ومن أي إخواني فاكر إننا هنخاف، بالعند فيهم بدأنا نلم من الحتة فلوس عشان نعمل صورة بنفس الحجم للسيسي بدل اللي اتقطعت، ويورونا بقى المرة الجاية هييجوا ناحيتها ويهددونا إزاي".