أصدقاء "صلاح" المصري من غزة: كلنا بنقول "تحيا مصر"

"من فلسطين، كلنا بنقول تحيا مصر، السيسي رئيسًا لمصر"، كلمات عبّر بها مجموعة من الجالية المصرية بغزة، قرروا من خلالها أن يجمعوا أصدقاءهم الفلسطينيين في العمل ويلتقطوا صورة تذكارية لهم دعمًا للمرشح الرئاسي المشير السيسي، "لاقينا أصحابنا في غزة بيحبوه ومعلقين صوره فوق مكاتبهم زينا، فقولنا نتجمع كلنا وكل واحد يمسك الصورة اللي تعبّر عن حبه لمصر والسيسي عشان يعرف إن العالم كله شايفه الأنسب لرئيس مصر القادم، وإنه ماشي في السكة اللي هتخلي مصر صح"، قالها المصري صلاح محمد.[SecondImage] في قلب عزة، جاب الرجل الأربعيني وأصدقاؤه الشوارع بعلم مصر بعدما علقوه على جدران العمل بالداخل والخارج، "دي أقل حاجة ممكن نقدمها لمصر وإحنا بعيد عنها، أنا بقالي 10 سنين بعيد عنها لكن في القلب دايمًا من كتر ما أصحابنا هنا بيحبوها، ودايمًا بيشاركونا في أي جديد في مصر"، مضيفاً "أيام الاستفتاء على الدستور الجديد كانوا بيروحوا مع المصريين عشان يشجعوهم، ويفاجئونا في الشغل لما نلاقيهم حاطين علم مصر جنب فلسطين من كتر حبهم في المصريين".[FirstQuote] وقف "صلاح" في مقدمة الصف، لتوجيه رسائل حب إلى القوات المسلحة في شخص المشير عبدالفتاح السيسي، عندما رفع أصدقاؤه الثلاثة "عبدالله، أحمد، عادل" رمز CC بأصابعهم، وسط ابتسامات الباقي حاملين بين أيديهم صورًا للمشير، "دي أقل حاجة نقدمها للراجل اللي وقف قصاد العالم عشان ينقذ مصر من هلاك الإرهاب وأي حد كان طمعان فيها"، مشيرًا إلى أن "الناس في غزة حبوا السيسي أكتر من الأول لدرجة إني بقيت ألاقي ناس معلقة صورته جوه عربياتها، خصوصًا بعد ما قال إنه مش هيروح لإسرائيل لو دعته إلا على الأقل لما يدوا الفلسطينيين جزء عاصمته القدس، ودي أكتر حاجة بيحلموا بيها هنا وحسوا إنه ممكن يكون سبب في رجوع أملهم".