اتبرع ولو بربع جنيه.. و"عاطف" هيملا أعمدة الإنارة بصورة "الأسد"

ترفرف في السماء، وتظهر محطة مترو "أم المصريين" خلفها، تحمل رسالة مهمة ومختلفة عن غيرها، تبرز عن بعد على أعمدة الإنارة، فهي لافتة تحمل صورة المشير السيسي بزيه المدني، قرر عاطف زيزو تعليقها بمبادرة تحمل معاني حب وتأييد مطلق تجاهه "لما لقيته ملتزم كعادته والحملة معملتش دعاية لها قبل الميعاد المحدد زي الباقي، قلت أسبقهم وعلقتها عشان الراجل ده يستحق كتير وأهالي الجيزة كلها بتحبه".[SecondImage] وعلّق الرجل الأربعيني لافتات المشير بطول الشارع، "كان نفسي أحطها في كل عمود بس لقيتها هتقصر معايا فقررت أحطها ما بين عمود والتاني، وكتبت عليها شعار حملة السيسي (تحيا مصر) وكفاية الناس وهي طالعة المترو ونازلة بتقف عشان تشوف صورته وهما مبسوطين". جنيه يجمعه عاطف يوميًا من أهالي منطقته كفيل بتوفير الإمكانيات اللازمة للافتات "بقالي يومين بجمع فلوس من الناس اللي عايزين يشاركوا وجمعت لحد دلوقتي 70 جنيه، مش بافرض على الناس إنها تدفع، اللي بيحبه وقادر يدفع بيدفع وأنا باقبل كل التبرعات إن شا الله ربع جنيه".[ThirdImage] ينوي "عاطف" الاستمرار في تعليق اللافتات بصورة السيسي على أعمدة الإنارة "هفضل أعلق صوره لحد ما الناس الغلابة تعرف إن السيسي هو أكتر واحد قادر ينقذ البلد، وإنه الأسد اللي وقف قدام الإرهاب عشان مصر تفضل أعظم بلد في الدنيا من غير إرهاب ولا تطرف، حتى لو الناس الغلابة مش هتروح تنتخبه بس على الأقل يعرفوا الحقيقة فين ومين أسد مصر الحقيقي".