سلمى صباحي: "حملة والدي فقيرة.. ويا ريت تهاجمونا بالأصول"

دافعت سلمى صباحي، ابنة المرشح الرئاسي حمدين صباحي، عن والدها وحملته، منتقدة تعليقات النشطاء حول أن "حملة حمدين بتشحت عليه" قائلة: "بالنسبة لنغمة حملة حمدين بتشحت عليه، حملة حمدين فعلا فقيرة ماديًا ومحتاجة مساهمات مادية لكن غنية جدًا بشبابها المخلصين وده شرف لينا". وأضافت في تدوينة لها على صفحتها الشخصية بموقع التواصل الاجتماعي "فيس بوك": "كل الحملات الرئاسية في العالم تقوم على التبرعات وبالمناسبة بيتعمل فيها مناظرات"، مضيفة: "يا ريت فعلاً كل المؤيدين لحمدين يساهموا في دعم الحملة". وتابعت: "اللي عايز يهاجم ياريت يهاجم باحترام وبالأصول من غير اتهامات وكدب وافتراءات وتخوين وقلة أدب، كلها أسبوعين والانتخابات تخلص، هنبص في وش بعض إزاي يا ناس واحنا بنهين بعض كده".