أطفال الإسكندرية يروجون للمشير بـ«طيارة ورق»

لم يعد المرشح الرئاسى المشير عبدالفتاح السيسى، محوراً فقط لحديث من لهم حق التصويت فى الانتخابات الرئاسية المقبلة، بل امتد ليكون بطلاً لقصص وألعاب الأطفال فى الإسكندرية، للدرجة التى جعلت صوره تتصدر ألعابهم ومتعلقاتهم الصغيرة. «طيارة ورق للسيسى فى السما»، هكذا عبر أطفال منطقة الأنفوشى بحرى بالإسكندرية، عن رغبتهم فى الدعاية والترويج للسيسى، بهدف دعمه فى الانتخابات المقبلة، على الرغم من صغر أعمارهم وعدم بلوغهم السن القانونية التى تسمح لهم بالتوجه إلى صناديق الاقتراع والتصويت لصالح مرشحهم المفضل، فى الانتخابات المزمع إجراؤها فى يومى 26 و27 من شهر مايو الحالى. يقول ممدوح حسين «12 سنة»، لـ«الوطن»: «أنا بحب السيسى وعايزه يكون رئيس لمصر، وعلشان كده اشتريت بمصروفى ورق وبوص وخيط وجبت صورته من على باب شقتنا وعملت طيارة ورق عليها صورته، وطيرتها على كورنيش القلعة، علشان اللى رايح واللى جاى يشوفها وينتخبه». أضاف محمد عمر «13 سنة»: «أنا مش بعرف أقنع حد كبير إنه ينتخب السيسى، لكن بالطريقة دى بقدر أخلى الفكرة تعجبه وتعلق معاه، علشان يروح يديله صوته فى الانتخابات، ونفسى أكبر بسرعة علشان أعرف أروح أصوت وأدى صوتى للى يستحقه». بينما تعلق شقيقته سمر «10 سنوات»: «مرة كنا بنطير الطيارة الورق بتاعة السيسى فى السما، وشافنا واحد وزعقلنا وقالنا هاضربكم لو عملتو كده تانى، علشان السيسى دا مش بيحب ربنا».