الطفل "أحمد" عن "بالونة السيسي": "اشتريتها بمصروفي عشان محدش ياخدها مني"

وسط حالة من الفرحة واحتفالات أهالي مدينة الرحاب بالانتخابات الرئاسية، وقف أحمد، الطفل الصغير، يرقص على أصوات الأغاني الوطنية، ممسكا "بالونة السيسي"، التي اراد ان يشتريها بمصروفه الشخصي، رافضاً ان يأخذ ثمنها من والده.. "جريت آخدها من الراجل عشان لقيتها آخر واحدة، واديتله العشرة جنية اللي معايا عشان بحب السيسي زي بابا وماما". أحمد عصام، الطفل الذي أتم عامه السابع، حاول أن يقنع أسرته بالنزول إلى احتفالية أهالي مدينته بالمرشح الرئاسي عبد الفتاح السيسي.. "بابا مكنش راضي ينزل عشان جاي تعبان من الشغل، فجريت على أصحابي في العمارة ولمينا بعض، وفضلنا نقنع أهالينا عشان ينزلوا معانا ونفرح كلنا بالسيسي". على الرغم من عدم استيعاب الطفل الصغير المعنى الحقيقي للانتخابات الرئاسية، إلا أنه سبق سنه بقرار جمع أصدقائه الصغار.. "عشان أعلمهم إنهم لازم يدخلوا المدرسة مع باباهم عشان مصر محتاجة صوتهم، زي ما بابا وعدني إني هدخل معاه وهعمل صح على النجمة". ببراءة طفولية، قبل أحمد "بالونة السيسي"، طالبا من والده أن يأخذ صورة تذكارية معها.. "عشان الدنيا كلها تشوفها، ويعرفوا ان السيسي رئيسي، خليت بابا ينزلها عنده على الفيس بوك عشان أنا لسه مش عندي"، مضيفا "أصحابي كلهم كانوا عايزين يتصوروا مع البالونة، بس مرضيتش، عشان خفت تفرقع، واحمد ولوجي إخواتي قعدوا يقولولي إنهم هيدوني فلوسها ويخدوها، وبرضو مسبتهاش، عشان نفسي السيسي يشوفها وأتصور معاه على الحقيقة".