انزلوا اختاروا الرئيس
انزلوا اختاروا الرئيس
حد نادي غ الصعيدي
حد صحاه م المنام
ولاَّ مبسوط من شخيره
جد يديني التمام
الصعيدي لمَّا يصحى
كل مصر تقوم تفوق
أصله راجل أيوة راجل
والرجولة ف العروق
كله نازل يدي صوته
فوق جبين الدنيا صيته
واللي حامي بيوت كتيرة
صوته راح يحميله بيته
حد هيصحي السوهاجي؟
حد هيصحي البحيري؟
مصر دقت باب نهارها
والرئيس هو اختيارها
يلَّه هاتوا الفرح دارها
ضموا خيركم جنب خيري
مصر هيعديها غيري؟
الطابور بقى خط سيري
إنزلوا اختاروا الرئيس
انزلوا هاتوا العريس
