الحاجة اعتماد: أول مرة أشارك في انتخابات من 70 سنة.. و"مصر تستاهل تعبنا"

لم تشارك الحاجة "اعتماد حسن" في استحقاقات انتخابية سابقة.. لا تعترف أصلا بالانتخابات.. لكنها ضربت بمبادئها عرض الحائط وقطعت المسافة من منزلها بصحبة حفيديها وبداخلها إصرار قوي على اختيار رئيس مصر.. لم ينقطع دعاؤها بأن يولي الله من يصلح مسؤولية مصر وأهلها بالعادات والتقاليد، في الطريق للجنة سألها حفيدها محمد: "يعني إيه انتخابات يا جدة؟"، فردت عليه: "يعني مستقبل مصر يا محمد"، فرد الطفل ذي السنوات العشر: "تحيا مصر". في اللجنة رقم 8 بمدرسة السادات الإعدادية بمدينة دشنا في قنا، وضعت صوتها في الصندوق ورفضت الإفصاح عن مرشحها، وقالت: "ياولدي أنا جيت هنا عشان بلدي وخوفي على عيالي من تفكك مصر من شماتة الأعداء والإرهابيين اللى بيقتلوا كل يوم شباب زي الورد مش عشان مرشح معين وعشان صورتنا قدام العالم تكون كويسة"، داعية الله ربنا يولي من يعدل ويعيد لنا الأمان كما كان في الماضي. وفي نهاية حديثها قالت :أحب اقول كلمة للشباب "اللى مش راضي ينزل" ويشارك في الانتخابات: "يا أولاد عدم مشاركتكم في هذه الانتخابت يعنى بتخلونا عرضة للكلام من اللي يسوى وما يسواش".