منتج جديد يثير الجدل بهدايا من عربيات وإكسسورات وكوبيات
منتج جديد يثير الجدل بهدايا من عربيات وإكسسورات وكوبيات
أثار نوع جديد من منتجات "الكارتيه"، ضجة كبيرة على مواقع التواصل الاجتماعي بسبب ما يحتويه من الداخل من هدايا سعرها أعلى من "الكيس" نفسه.
ويبحث الكثيرون في الأكشاك على كيس الكارتيه الجديد، وفقا لمواقع التواصل الاجتماعي، من أجل الحصول على الألعاب، والأمر لا يقتصر على الأطفال فقط بل الكبار أيضا.
تعددت أنواع الهدايا داخل علبة الكاراتيه من سلاسل وملاعق وأكواب ولعب أطفال، حيث تعتبر قيمتها أضعاف ثمن المنتج نفسه الذي يباع بـ 5 جنيهات.
وجاءت التعليقات من مستخدمي موقع التواصل الاجتماعي "فيسبوك" بـ: "أي حد بيتباع عنده كارتيه يكلمني بسرعة"، "هو طعمه مش قد كده بس كفاية فرحة المكسب في لعب وفي إكسسوارات"، "أنا مش عارفة صاحب المصنع لاقي الحاجات دي تحت الكوبري ولا إيه، أو إيه مكسبه ومش عارفه بيحطوا الحاجات دي جوا الكياس إزاي"، "اشتروا وافرحوا"، "أنا نفسي أعرف الأحجام دي بتتحط في الكيس إزاي".
وتوالت التعليقات بـ: "مش مهم الطعم المهم الهدايا اللي تفرح الأولاد دي"، "دي اسمها خطة تسويق المنتج الأساسي، وبتكون عبارة عن مبلغ ممكن يوصل لنص مليون جنيه في سبيل إن المنتج يتعرف في السوق وبعد كده بتقل الهدايا حتى تتوقف ويقل حجم الكيس"، "على فكرة جميل جدا وفيه منه اللي بالجبنة والشطة والكاتشب وفي إقبال عليه وفي منه 2 جنيه الحجم الأصغر"، "أنا ببيعه وعليه إقبال من الكبار قبل الصغيرين"، "أنا جبت منه كرتونة كاملة".
