إفيهات مدحت شلبي في ديربي الأهلي والزمالك: على الهادي يا زبادي

11:20 م | السبت 22 أغسطس 2020

اعتاد الجمهور في مباريات القمة بين الأهلي والزمالك، على سماع اللقاء بتعليق الإعلامي مدحت شلبي، الذي ارتبط اسمه بعدد من "الإفيهات" التي ما زال يذكرها ويرددها جمهور كلا الفريقين، وبعد غياب عن التعليق على مباريات الديربي، حضر "شلبي"في القمة 120.

الديربي المصري بالأمس، انتهى بتقدم الزمالك على الأهلي بـ3 أهداف مقابل هدف، ولم يحرم شلبي جمهوره من "إفيهات" جديدة، التي سرعان ما أصبحت مادة لـ"الكوميكس" على موقع التواصل الاجتماعي "فيسبوك".

وترصد "الوطن" أبرز إفيهات "شلبي" خلال الشوطين الأول والثاني من مباراة القمة:

- بادجي طلع الدور العاشر.

الأهلي كام نقطة والزمالك كام نقطة، يعني البيت مش جنب الجامع.

- يخرب عقلك يا بادجي.

- مفيش حمامة بتطير من غير جناحين لازم جناح يمين وجناح شمال.

- بادجي عامل زي سنافور المحطة.

- الشتا هييجي علينا ونكون قتلنا كورونا.

- ضربة حرة لصالح طرازان.

- لازم الزبون يصحى، صحصح معانا يا والدي شوية.

- الحكم كرواتي والڤار كرواتي.

- إيه اللي بيحصل ده إيه اللي أنا شايفه ده، يا نهاااار أبيض.

- سيب القائم يا أبو جبل معملكش حاجة.