غضب بين الطلاب بسبب غرامة الرسوب: مش هيبقى سقوط وخراب ديار
غضب بين الطلاب بسبب غرامة الرسوب: مش هيبقى سقوط وخراب ديار
- جامعة كفرالشيخ
- غرامة الراسبين
- تنظيم الجامعات
- جامعة الأزهر
- جامعة كفرالشيخ
- غرامة الراسبين
- تنظيم الجامعات
- جامعة الأزهر
بعد موافقة مجلس رئاسة الوزراء على تعديل قانون تنظيم الجامعات، والذى يفرض توقيع غرامة من 3 إلى 12 ألف جنيه، على الطلاب الراسبين في الجامعات الحكومية، بغرض دعم المتفوقين ومكافأتهم بمجانية التعليم، وإجبار باقي الطلاب على التميز، عبر بعض الطلاب عن غضبهم من هذه الغرامات، مؤكدين أنها تشكل عبء وضغط على الطلاب خاصة الذين يمرون بظروف صعبة خلال الامتحانات مثلاً وتعرضهم للرسوب.
يرى أحمد مجدي، طالب في كلية اللغة العربية جامعة الأزهر، أن هذه الغرامة هى بداية لزيادة سلطة الأستاذ الجامعي على الطالب، وستسبب نوعاً من الضغط النفسي عليه أثناء المذاكرة: "كان فى طلاب بيخافوا الدكاترة تسقطهم، دلوقتي هيخافوا من الغرامة ومن الرسوب، والضغوط دي مش هتخليه يركز في المذاكرة، لأن تفكيره هيبقى في الغرامة اللي ممكن مايقدرش يدفعها، وفي بعضهم بيشتغل أثناء الدراسة عشان يصرف على نفسه، وده بيأثر على مستواهم الدراسى".
يرى "مجدي" أن بعض الفقراء لن يقدروا على دفع تلك الغرامة، ومن المحتمل حدوث مشاكل بين الطالب والمدرس الجامعى، مما يدفع الأخير إلى إستغلال سلطته في رسوب الطالب.
"مش هيبقى سقوط وخراب ديار، لازم يبصوا في حاجات تانية يحاولوا من خلالها تحسين مستوى الطالب، لأن مفيش طالب هيسقط بمزاجه، وكفاية إن في ناس بتتمنع من دخول الإمتحان عشان مادفعتش المصاريف العادية"، قالها معاذ علي طالب في كلية آداب جامعة كفرالشيخ، معبراً عن رأيه في قرار الغرامة، مضيفا أن هناك أسباب أخرى قد تدفع الطالب إلى الرسوب غير عدم الإجتهاد مثل العمل أثناء الدراسة أو تعرضه لظروف طارئة أثناء الامتحانات، مطالباً بتكريم ودعم الطلاب الذين يعملون أثناء الدراسة: "في طلبة بتشتغل أيام الدراسة، وده بيعطلهم عن المذاكرة، لازم نقف جنبهم مش نعاقبهم".
