"فاتن" تستجيب لقرار احترام العلم: "اشتريت واحد جديد عشان أعلقه في البلكونة"

حالة من الحماس والأمل شعرت بها السيدة الستينية، بمجرد سماعها قرار المستشار عدلي منصور، الرئيس المؤقت، بشأن قانون احترام علم مصر والوقوف للنشيد الوطني، قائلة: "أخيرًا جه اليوم اللي يتعاقب فيه أي حد ميحافظش على علم بلده". فاتن جودة عبد الخالق، مواطنة مصرية، قررت أن تشتري علمًا جديدًا وتعلقه في شرفة منزلها بالمعادي، بدلاً من العلم القديم الذي علقته منذ ثورة 25 يناير، "عشان أبقى أول الناس اللي احترمت القرار، طول الفترة دي كنت بشيله اغسله وأرجعه تاني بس لونه بقى باهت، فقلت أجيب واحد غيره احترامًا للقرار"، مضيفة "اشتريت العلم المرة دي كبير عشان يبان في البلكونة والناس كلها تعرف إني بعشق علم بلدي ويعملوا زيي". ساعة كاملة، جابت فيها "فاتن" شوارع منطقتها باحثة على مواصفات علم مصر، التي ذكرها قرار الجمهورية بين باعة الأعلام "لفيت على 5 بياعين لحد ما لقيت الأحمر والأبيض والأسود قد بعض والنسر في النص بالظبط ولونه أصفر، عشان وأنا بدور كنت بلاقي الألوان المطبوعة على العلم مش زي بعضها والنسر أحيانُا كنت بلاقي لونه بني"، مشيرة "لما رجعت البيت وقفت جنى وأدهم أحفادي بالعلم وفضلت احفظهم النشيد الوطني، عشان يبقوا عارفين نشيد بلدهم من قبل ما يدخلوا المدرسة ويطلعوا يحبوا ويحترموا قوانين بلدهم من صغرهم، زي ما كنت بعمل مع أبوهم".