إزاي تقنع أسرتك بالسفر مع أصدقائك في 6 خطوات سهلة: الموضوع محتاج ذكاء
إزاي تقنع أسرتك بالسفر مع أصدقائك في 6 خطوات سهلة: الموضوع محتاج ذكاء
معاناة كبيرة يتعرض لها الكثيرون من الشباب عندما يريدون السفر مع أصدقائهم ويواجههم رفض الأسرة لذلك، محاولين إقناعهم بكل الطرق ولكن ينتهي الأمر بالفشل.
مصطفى خليفة خبير تنمية بشرية، شرح لـ "الوطن" كيفية إقناع الأهل بالسفر مع أصدقائهم في عدة خطوات سهلة ولكن يجب التركيز فيها جيدا بدون خطأ قائلا: "الموضوع محتاج ذكاء"، كما يلي..
قبل السفر يجب أن تكون الشخصية المثالية
نصح خبير التنمية البشرية أن قبل السفر يجب أن تكون الشخصية المثالية من خلال تنفيذ طلباتهم بأفضل طريقة: "متعملش مشاكل واسمع الكلام عشان لما تطلب أنك تسافر ميبقاش الرد (يعني انت مش بتسمع الكلام وكمان عايز تتفسح!!)".
الوقت مناسب حاليا
أول وسيلة لإقناع الأسرة أن الوقت مناسب حاليا وأن بعد ذلك لم تستطع توفير وقت للسفر بسبب ضغط العمل أو غيره: "وخصوصا لو مع أصدقائك.. ده أنسب وقت لينا كلنا".
السفر مع الأصدقاء
وصف خليفة أن السفر مع الأصدقاء له ميزة وعيب أمام الأهل موضحا: "الميزة لو أهلك يعرفوا عنهم أنهم شاطرين ومحترمين، فهيساعد أنهم يوافقوا، لو مش كده هيبقى الموضوع بالعكس، اختار تقول أسماء صحابك الكويسين بس".
لا تجعل الوقت أو التكلفة سبب الرفض
يجب على الشخص تحديد وقت السفر بعدد أيام مناسبة لأهلك قائلا خليفة: "متزودش أوي فيرفضوا وكمان التكلفة، اختار رحلات تكون تكاليفها مناسبة مع ظروفك".
توضيح خط السير
على الشخص شرح، لأسرته ماذا سيفعل طوال الرحلة، ومن سيكون موجود معك وكيفية السفر أي بأي وسيلة مواصلات: "من حقهم يبقوا مطمنين عليك وعارفين اللي هيحصل وامتى وإزاي".
الاتصال بهم يوميا في السفر
يجب أن تجعل أسرتك يشعرون باطمئنان ولا تنزعج من اتصالاتهم الكثيرة بك: "خايفين عليك وده حقهم وعشان السفرية الجاية يوافقوا لأنهم هيفتكروا أنك كنت مبسوط في الرحلة اللي فاتت ومكانوش قلقانين عليك".
