دردشة إلكترونية داخل لجان «الثانوية العامة»: مين يعرف إجابة السؤال التانى؟
«حد يعرف إجابات الأدب؟ أنا فى اللجنة دلوقتى.. يللا بسرعة.. يخرب بيتك هتودى نفسك فى داهية.. يا شباب هو النص الإجبارى إيه؟.. يا جماعة لو حد جاب النصوص يا ريت يكتبها»، هو جانب من الدردشة الإلكترونية التى دارت على موقع «فيس بوك» بين الطلاب داخل لجان الامتحانات بعد دقائق من بدء امتحان اللغة العربية أمس، وهو ما يثبت عدم تفتيش الطلاب قبل دخول اللجان، ومنع دخول الهواتف المحمولة.
تمرير الهواتف داخل لجان الامتحانات يبدو أنه بات بالأمر الهين، وهو ما دفع أدمن صفحة «تسريب امتحانات الثانوية العامة» على «فيس بوك» للتأكيد على الطلاب قائلاً: «الامتحان فى اللجنة يا ناس، احنا قلنا ميت ألف مرة الامتحان هينزل وانتم فى اللجنة بالحل بتاعه، يعنى اللى هيقدر يخش على الفيس هيحل كل حاجة».
«أحمد غاندى»، طالب يعرض خدماته فى تسريب وحل الامتحانات عبر الهاتف، حيث أكد من خلال هاشتاج «#تويت _ لجنة»: «أنا ممكن أكلمك من اللجنة وأديلك الأسئلة بتاعة كل امتحان بس ما أقدرش اطلّع الموبايل من جيبى أنا نظام جديد».
الفكاهة طغت على دردشة الطلاب داخل اللجان، ففى الوقت الذى كتب فيه مدحت السيد عبر صفحة «ثانوية عامة»: «طب إيه، مفيش حد هيكتب التعبير وينزّله قبل الوقت ما يخلص وحد يحل سؤل الخط، ومتخافش الإملاء هتتكتب على السبورة»، دوّن طالب على هاشتاج «#غشاشون _ فدائيون»: «النهارده فرحت جداً إن الهاشتاج اتشهر أوى.. الامتحان وإجاباته كانت معانا من 9 وربع.. والحمد لله ظبّطنا الرجالة كلها وكنا قدّ كلمتنا.. وان شاء الله بكرة هيبقى أحسن وأحسن وهنخرب الدنيا».
من جانبه، أكد الدكتور محمود أبوالنصر، وزير التربية والتعليم، أن ما تم نشره على مواقع التواصل الاجتماعى يُعد حالة من حالات الغش الفردى وليس تسريباً للامتحان، حيث تداولت الصفحات أسئلة بعد بدء موعد الامتحان، وقام طالب بتصوير ورقة الأسئلة وتداولها، نافياً تداول الإجابات.
وأشار إلى تحرك الوزارة السريع عقب إخطارها بالأمر، حيث تم حصر الطلاب الذين حملوا الهواتف داخل اللجان، وعددهم 50 طالباً، وتحرير محاضر ضدهم، كما تم حصر الصفحات والمواقع التى تقوم بنشر الأسئلة وإرسالها للنائب العام للسماح بغلقها، والوزارة فى انتظار رد النائب العام لمنع تداول أسئلة باقى الامتحانات.