خيري لـ "الجهاز الفني":"مش عايزين تلاعبوني والفريق كله إصابات..يا ألعب يا أمشي"

رصدت الوطن كواليس أزمة أحمد خيري لاعب خط وسط النادي الأهلي مع الجهاز الفني للفريق بقيادة فتحي مبروك والتي قرر على اثرها علاء عبدالصادق المشرف العام على الكرة إيقاف اللاعب لنهاية الموسم وتغريمه 150 ألف جنيه. وبدأت الأزمة حينما تحدث اللاعب مع علي ماهر المدرب المساعد بعد المباراة واستفسر عن عدم مشاركته بطريقة غير لائقة قائلا للمدرب المساعد "الفرقه فيها 14 لاعب بس..و4لاعبين على الدكة..ومش عايزينى ألعب ليه..انتو بتفكرو إزاي"؟؟. وهنا رد عليه علي ماهر قائلا له "مينفعش تتكلم بالطريقة دي ياخيري" وهنا أجاب اللاعب"انا أتكلم زي ما أنا عايز يا تلاعبوني يا أمشي" وعلى الفور أخطر علي ماهر المدير الفني فتحي مبروك بالأمر ففوجئ باللاعب يكرر نفس حديثه أمام مبروك وبنفس الطريقة الأمر الذي جعل علاء عبدالصادق يقرر إيقاف اللاعب وتغريمه 150 ألف جنيه بالإتفاق مع رئيس النادي محمود طاهر.