مصعب الشاعر: أمن الدولة رجع تانى.. والقرّاء: «ضُفرك برقبتنا»
مصعب الشاعر: أمن الدولة رجع تانى.. والقرّاء: «ضُفرك برقبتنا»
«أمن الدولة رجع تانى والجيستابو رجع تانى»، بهذه الكلمات بدأ مصعب الشاعر، أشهر مصابى الثورة، حديثه مع الإعلامى محمود سعد، فى برنامج «آخر النهار» على فضائية «النهار»، مؤكداً فى الوقت نفسه أن التمسك بالأمل هو الذى جعله يعود مرة أخرى.
وتعجب الشاعر من عدم فتح التحقيق فى قضايا القتل، قائلا: «بعد سنة ونصف السنة لم يفتحوا تحقيقا فى قضايا القتل. أمن الدولة رجع تانى بمسمى جديد.. احترموا عقلية المواطن المصرى».
>>>تعاطف الكثير من القرّاء مع أشهر مصابى الثورة ومنهم ريم أحمد فى عبارتها: «انت بطل وضفرك برقبتنا ورقبة كل الناس»، أما محمد عادل فقال: «الحمد لله على السلامة يا بطل والثورة مستمرة حتى القصاص»، وهو نفس كلام عبدالله محيى: «لا بد من محاسبة القتلة والمجرمين».
مصعب لم يسلم من النقد حيث قالت كوكى إبراهيم: «مش مصعب ده اللى اتعالج على حساب البلد وكلف علاجه فوق 5 ملايين وكمان مش عاجبه.. مالكش دعوة بالمصابين اللى حتى الآن الخرطوش فى جسمهم مطلعوهوش لحد دلوقتى عشان أبوهم مش عضو مجلس شعب زيك».
لكن دوللى محمد ردت على كوكى قائلة: «مصعب متعالجش على حساب البلد مصعب اتعالج على حساب ناس اتبرعوله وعلى حساب المستشفى الألمانى اللى ساعده زى ناس تانيين اتعالجوا برة فى أكتر من دولة واحترموا نفسكم بلاش لأن ده ضفره برقبة الكل».
