م الآخر| يا بنت مصر ياللي
![م الآخر| يا بنت مصر ياللي](https://watanimg.elwatannews.com/old_news_images/large/231511_Large_20140516110044_11.jpg)
يابنت مصر ياللي
خانوكي في التحرير
ما عدش ينفع بكا ولا حزن ولا تبرير
اوعاكي يوم تفتكري إن الشرف فاتك
العفة لو تتكلم تنطق تكون ذاتك
الحق لو يوم يظهر يظهر في مرآتك
اللى اتهتك مش جسمك
اللى اتهتك جسمنا
ملعون أبوها رجولة لو ضاع ف يوم حقنا
راسك لفوق مرفوعة
مش ذنبك إن العهر بقى ف زمانه صنوعة
ملعون جبان سابك
تنهش في لحمك كلاب
آسف لوصف الكلب
الكلب لو كان شافك عمره ما كان سابك
عايز أقول لك كلمة حلقة ف ودانك
أنا شوفت فيكي مصر بكل قوتها
تضعف صحيح يفرحوا ويقولوا دي ماتت
تضحك بعلو الصوت تصبح وتد ثابت
يا أم الشرف والعفة خليكي زي البهية
جبل الهموم خطي لساهة أحلى صبية