أول تعليق من المصري صاحب أطول غطسة في التاريخ: مكنش في حل تاني
أول تعليق من المصري صاحب أطول غطسة في التاريخ: مكنش في حل تاني
- أطول غطسة
- أطول غطسة في التاريخ
- دهب
- موسوعة جينيس
- صدام كيلاني
- أطول غطسة
- أطول غطسة في التاريخ
- دهب
- موسوعة جينيس
- صدام كيلاني
احتفالات وفرحة كبيرة شهدتها مدينة دهب لحظة خروج البطل المصري صدام كيلاني اليوم، بعد قضائه 145 ساعة تحت المياه، وتسجيله رقمًا قياسيًا جديدًا في موسوعة جينيس للأرقام القياسية، بأطول غطسة في التاريخ.
وأعرب "كيلاني" عن سعادته في تصريح خاص لـ"الوطن"، قائلا: "النجاح إللي وصلت له بفضل ربنا وبفضل الناس، لازم أقول شكرًا بالطريقة اللي تناسبهم وهو إني أكسر الرقم القياسي، مكنش في حل تاني".
ولم يتمكن "كيلاني" من الحديث أكثر من تلك المدة، نظرًا لنصيحة الأطباء له بتقليل الكلام، بسبب التهاب الشفاه نتيجة المدة الطويلة التي قضاها في المياه المالحة، بحسب قول كابتن عمرو النجار أحد أصدقائه وواحد من فريقه الذي كان يتابعه طوال الـ6 أيام تحت المياه.
وذكر "النجار" لـ"الوطن": "الحمد لله هو كويس جدًا وصحته تمام ومفيش أي حاجة مؤثرة غير أن شفته ملتهبة ووارمة شوية من المية المالحة، والدكتور قال ميتكلمش كتير لحد ما الالتهاب يخف شوية".
كما أشار "النجار" إلى أن البطل المصري كان لديه النية على أن يستمر حتى صباح الغد تحت المياه إلا أن الأطباء نصحوه بالخروج: "هو كان متأكد أنه هيحقق الرقم القياسي وكان هيقعد أكتر من كده بس الدكاترة قالوا اطلع كفاية وبشهادة كل الناس والتقرير الطبية وكل الفريق، وهو كمان قال مش عايز أتعب الناس أكتر من كده وأتعب الفريق اللي بقالوا 6 أيام مش مرتاح".
فيما نقل عماد حمدي أحد المواطنين الذين حرصوا على استقبال "كيلاني" لحظة خروجه من المياه، ومشاركته الفرحة قائلا: "الكل فرحان ومبسوط جدًا وكانوا مستنين خروجه عشان يهنوا ويطمنوا عليه، وهو بخير الحمد لله بس شفته ملتهبة شوية من المية عشان كده محدش عايز يتعبه ويخليه يكلم".
