م الآخر| رسالة إلى صديقى البرشامجى

ليه تسهر، تتعب طول الليل، تعمل برشام؟ ليه تصحى الصبح بدرى تملى الديسك كلام فى كلام؟ دى حتى الحيطة مليتها كتابة يا عم حرام.. مع إنك ممكن بسهولة تستأذن تنزل حمام.. وهناك بتكون سايب كتبك، موبايلك، وأقلام.. وبسرعة اتصلى بأستاذك وتملى وبراحتك، وسؤال بسؤال.. كده يا صديقى يبقى اللى عملته حلال فى حلال؟ ودا طبعا لو منزلش عليك مئات الأوراق من البرشام! وكان أستاذك بيراقف عامل فيها ضارب شمام.. أو حتى صديقى إلى عمره ما عمل البرشام .. أستاذى الفاضل نقصه فى السنة قال إيه أعمال! وعشان مش باخد عنده الدرس نقصنى كمان.. لكن يا جماعة دا حتى صديقى البرشامجى أكيد زعلان.. لكن ونصيحة منى لأنى وبجد شايفك تعبان.. كفاية غش وكفاية تفضل تتهان.. مع إنك ممكن تقدر تفضل حقيقى إنسان.. صحيح غلبان زهقان تعبان قرفان لكن فى الآخر إنسان