م الآخر| خايف من إية

حبيت إمتى؟ تقريبا من عام صحيت إمتى؟ أنا لسه هنام عندك صاحب؟ مش فاكر أصلا عندك أشواق؟ قلتهم أحسن خايف من إيه؟ م الموت كافر وطنك بيحبك؟ أنا نفسى أسافر غامض طبعا؟ أوقات يعنى عايز ترجع؟ قلبى بيوجعنى بتحب الموت؟ خايف أعيش بتضحك ليه؟ علشان ما أبكيش بتحب القهوه؟ بحبها سادة على قلبك يمكن؟ لأ ع العادة إيه هيا العادة؟ حب غباء بتحب عنيها؟ لغده ف 'الراء' مشيت إمتى؟ من نص اليوم أنا قصدى تاريخ؟ كان فعلا شوم حابب تفتكره؟ كارهه كذكرى وحابه كإيه؟ كصوره لبكره ممكن توصل لعنيها؟ ترابها رافض مش راضى قصدك ماتت؟ كل سراب يابنى إلا دى أنا آسف؟ أنا خايف من إيه؟ مش عارف طب صلى وصوم؟ مش قادر أقوم طب صلى بعينك؟ أو صلى بروحك؟ صليت وبكيت.. دمعت نسيت لكن تصاويرها جايالى بزووم