دموع

مهما كنتى أنا أمك وإنتى بنتى . سمعاكى وأنا فى غيبوبتى . والسبب شغلك إنتى يا حبيبتى فاكره العقد اللولى ليه سكتى يبقى إفتكرتى .لما قلتى يا أمى إنتى إتحسدتى . من يومها ما جيتش لقدام وإدهورت حالتى . ومرت الأيام والشهور وأنا كا عادتى . لما جاء اليوم وفى وش أبوكى صرختى . لا رحمتى شيبة أبوكى ولا حتى شيبتى . وفى تمثيليه هندى على الأرض إتمدتى . والشيطان لقاها فرصه آه يا دختى . وخش بينا ورقص على خيبتك وخيبتى . والبودى جارد بتاعك جه وهلل أنا سمعته وإنتى سمعتى . والشاطر أخوكى ع اللى قاله وقال دى أختى . هان أبوكى إهانه جامده علشانك إنتى . هى دى ربايتى فيكى دا أنا عملاكى اختى . شايفه دموع أبوكى صعبانه عليه نومتى . دا هو حبى وكل عمرى أخويا وأختى . سنين حياته قضاها بره صنت كرامته وصان كرامتى . ما مل يوم وإنت صغيره لما مرضتى . خاف عليكى وحب راسك وقال حبيبتى لما وقعتى . ومره تانيه حب راسك مرتين علشان يصالحك ما إصتلحتى . قاعده جنبى والضحكه عاليا مش حاسه بحرقتى . ودا كله علشان بتهته مش واضحه كلمتى . ولا فاهمه إنى شارده فى دنيا تانيه دنيا غير دنيتى .يا حلوه الدنيا فانيا يوم عليا ويوم عليكى يا إبنتى.عارفه نفس أبوكى إيه يفوقنى من غيبوبتى . وحاسس إنى سمعت و قالها يا ريتك ما سمعتى . بنتكلم وهو فى صمته وأنا فى صمتى . وبنفهم بعض بالعين فى شكوته ولومتى . حرام أكبر حرام تكون كدا نهايته ونهايتى . دموع عيونه ما جفت لحظه على رقدتى . حاسه وسامعه دعاؤه لربنا يشفينى من محنتى . قلبه الحنين مش مطاوعه على فرقتى . ومش مصدق إنى سأرحل عن دنيتى . الصدمه كانت كبيره لما ماتت شقيقتى . ضربت صدرى بكفى وقلت راحت خلاص أختى . الدنيا وقتها إنتهت وبانت ساعتها نهايتى .هى دى الدنيا لا تخلى الماشى ماشى ولا اللى نايم نومتى . إحتاروا الأطبه فى عيايا ما لاقوش دوا لكبدى . منايا المولى يسمع دعايا اللى بقوله وأنا فى صمتى . ومنى أبوكى يشوف على وشى ابتسامتى . وأسمع كلامه الحلو ( إنتى روحى وعمرى وحبيبتى .) يشفيكى ربى وياخدنى قبلك وتعيشى إنتى . وهو حاضن بإيده كفى وبيبوس جبينى ما إنتى شفتى . يا ريت يا بنتى لومتى نفسك أوندمتى .عن التحريض والمكايد والتمثيل أكيد فهمتى إنك فشلتى . بخطه فاشله رسمتيها إنتى . خلتينى أتمنى الساعه دى تقوم قيامتى . ومش هاقول يار يت ما كنت ولا إنتى عشتى . لكن هاقول مهما قولتى ومهما عيدتى . مش هافرط فيكى أبدآ دا إنتى بنتى . وجاء اليوم الموعود اللى قامت فيه قيامتى . سمعت صرخة أبوكى قال إنتى موتتى . أعيش إزاى من بعدك آه يادختى . الدمعه فرت من عنيه سبقتها بسمتى . علشان يطمئن أبوكى أنا شفت جنتى . وملايكة الر حمن حاضره زفتى . وأنا بالثوب الأبيض وفى عز فرحتى